Innhald
Alle kan få lokalt lånekort og nasjonalt lånekort. Lokalt lånekort kan ein nytta i biblioteket og på skulane i Samnanger. Nasjonalt lånekort kan nyttast på alle bibliotek i Noreg.
Dersom du bur i Samnanger kommune og er fylt 15 år kan du få oppgradert lånekortet ditt slik at du får tilgang til meirope bibliotek. Med oppgradert lånekort kan du besøka biblioteket utanom betent opningstid.
Biblioteket er oppteke av å verne personopplysingane dine. Difor handsamar me dei i samsvar med den gjeldande personopplysingslova. Me oppmodar deg til å lese grundig gjennom Personvernerklæringa som du finn på Samnanger bibliotek si heimeside. Personvernerklæringa skildrar kva for personopplysingar me registrerer når du vert lånar hjå oss, nyttar Mi side og vitjar denne nettsida (seinare omtalt samla som tenestene våre). Dersom du ikkje har digital tilgang kan me skriva ut Personvernerklæringa til deg.
Du har rett til å veta kva personopplysningar Samnanger bibliotek har registrert om deg, korleis opplysningane vert handsama og kven som har tilgang til opplysningane. Dette gjeld deg som har lokalt lånekort, nasjonalt lånekort og oppgradert lånekort for meirope bibliotek. I Lov om behandling av personopplysninger (personopplysningsloven) finn du dine rettar til innsyn i opplysningane.
Særskild relevant i personopplysningslova er Europaparlaments- og rådsforordning, kapittel III Den registrertes rettigheter. For å inngå ein avtale om lånekort er det nokre opplysningar me treng om deg som brukar. Ved å inngå ein kontrakt med Samnanger bibliotek om lånekort, godkjenner du samstundes at me lagrar desse opplysningane om deg.
Fornamn og etternamn, fødselsdato, postadresse, kjønnsidentitet, mobiltelefonnummer. Du kan velje om du ønskjer melding frå biblioteket på SMS eller på epost. Dersom du ønskjer melding på epost treng me epostadressa di. Dersom lånekorthavar er under 18 år treng me signatur og mobiltelefonnummer til ein føresett.
I tillegg til opplysningane for lokalt lånekort treng me òg personnummeret ditt.
Same opplysningar som gjelder for lokalt lånekort. I tillegg vert du registrert fysisk ved kameraovervaking (sjå Vilkår for oppgradert lånekort til meirope bibliotek).
Du må forplikta deg til å overhalda nokre enkle reglar for å få lov til å nytta meiropetilbodet:
Brot på vilkåra kan resultera i inndraging av retten til å bruka Samnanger bibliotek sitt meirope tilbod. Hærverk vert meldt frå til politiet. Du vert stilt økonomisk ansvarleg for eventuelle øydeleggingar.
Dei meiropne biblioteklokala er videoovervaka av omsyn til din tryggleik, og for å beskytta inventar og utstyr. Utanom betent opningstid vert lokala i det meiropne biblioteket kameraovervaka. Du vert fotografert i det du brukar nøkkelkortet for å logge deg inn, og går inn døra. Det er fleire overvakingskamera i lokala. Dei som brukar biblioteket i meirope tid vert filma, men det vert ikkje tatt opp lyd. Filmane vert lagra på server, men vert automatisk sletta etter 7 dagar. Det vert ikkje sett på filmane dersom me ikkje får melding om at noko ulovleg har hendt, eller at me opplever hærverk i lokala.
Du kjem deg inn i biblioteket ved å bruke lånekortet som eit nøkkelkort. Pass på at ikkje andre enn dei som er med deg kjem inn. Døra vert automatisk låst når du har gått inn. Når du skal forlate biblioteket, opnar døra seg, og den låser seg etter deg. NB! Ikkje gå ut «ein snartur» utan nøkkelkort. Dørene låser seg automatisk, og du kjem deg ikkje inn igjen utan nøkkelkort. Ta kontakt med personalet i opningstida dersom du har vore uheldig å gløymt noko i biblioteket.
Du låner og leverer inn materiale ved å bruke utlånsautomaten. Følg rettleiinga på skjermen. Du kan hente materiale som du har bestilt. Dette materialet er ordna etter hentenummer, står på ei eiga hylle, og må lånast ut på automaten før du tek det med deg. Hentenummeret står i meldinga som du har fått av biblioteket. Dersom det er materiale du ikkje får lånt lyt du koma attende når personalet er til stades.
Det vil kome ei melding på høgtalaranlegget 10 minutt før det meiropne biblioteket stenger. Ljoset vert sløkt automatisk når det er stengt.
Det vil stundom vere arrangement og møter når biblioteket har meirope. Kommunale arrangementa vert annonserte på heimesida og Facebooksida til biblioteket, og aktivitetskalenderen på heimesida til kommunen. Eventuell møteverksemd vert opplyst om inngangspartiet til biblioteket.
Sjølve biblioteklokalet, ungdomsrommet, møte/gaming-rommet og toaletta. Det største møterommet og kjøkkenet vert kun lånt ut etter avtale.
Ønskjer du å låna lokala til eit arrangement eller møte må dette avtalast på førehand med personalet i betent opningstid. Ved lån av lokala til møter og arrangement er det høve til å sleppa inn brukarar som ikkje har nøkkelkort. Det er ansvarleg for møtet eller arrangement som har ansvar for å informera deltakarane om reglement og vilkår for bruk av Samnanger bibliotek. Dei som ikkje har nøkkelkort har heller ikkje inngått ein kontrakt om vilkår for bruk. Det vert difor særskild viktig at ansvarleg for arrangementet eller møtet informerer deltakarane om at lokala er kameraovervaka.
| Tysdag | kl 12.00-19.00 |
| Onsdag | kl 10.00-16.00 |
| Torsdag | kl 10.00-16.00 |
| Mandag | kl 16.00-22.00 |
| Tysdag, onsdag, torsdag | kl 08.00-22.00 |
| Fredag | kl 16.00-22.00 |
| Laurdag og sundag | kl 08.00-20.00 |
Du kan fornye alle lån sjølv, dersom vara du ønskjer ikkje er reservert av andre. Dette kan du gjera på den sjølvbetente utlånsautomaten i biblioteket, på epost eller telefon til biblioteket, eller ved å logge deg inn på heimesida til Samnanger folkebibliotek.
Alt materiale som er utlånt eller under innkjøp kan du reservere i biblioteket eller på heimesida til Samnanger bibliotek. For å låne materiell frå andre norske bibliotek må du ta kontakt med personalet. Du får SMS når reservert materiell er klart til henting.
Nyttige lenker:
Lov om behandling av personopplysninger (personopplysningsloven) – Lovdata
Samnanger folkebibliotek,
Bjørkheim 28, 5652 Årland
Tlf.: 56 58 74 55
E-post: bibliotek@samnanger.kommune.no
Utvikla i samarbeid med
